Ballkani Perëndimor vijon të mbetet në listën e vendeve të rrezikuara nga virusi Covid-19.

Autoriteti më i lartë i shëndetit publik në Gjermani bën të ditur se udhëtarët nga Shqipëria, Mali i Zi, Serbia dhe Maqedonia e Veriut duhet të pajisen me një test negativ nëse nuk janë vaksinuar apo shëruar nga covid-19 në gjashtë muajt e fundit dhe gjithashtu t’i nënshtrohen një karantine 10-ditore në Gjermani.

Karantinimi mund të shkurtohet pas pesë ditësh nëse bëhet një test dhe rezultati është negativ.

Përjashtim bëjnë udëhtarët nga Bosnje Hercegovina dhe Kosova, të cilët, nga kjo e diel, nuk do të kenë nevojë për teste dhe karantinim.

Testi negativ kërkohet te udhëtarët me avion, të cilët nuk janë vaksinuar apo shëruar nga Covid-19 në gjashtë muajt e fundit.