Në rishikimin e fundit, Kombet e Bashkuara tregojnë mungesën e legjislacionit të qartë zviceran për të trajtuar racizmin, si dhe mungesën e burimeve të mjaftueshme të aksesueshme për viktimat. Shpenzimet ligjore janë penguese, thonë aktivistët, përcjell albinfo.ch.

Komiteti i Kombeve të Bashkuara për Eliminimin e Diskriminimit Racor (CERD) në dhjetor i kërkoi Zvicrës të përforcojë legjislacionin e saj, duke thënë se nuk kishte një ligj të qartë federal që ndalon diskriminimin racor.

Ai gjithashtu bëri thirrje që Berna të ndërmarrë më shumë veprime kundër rritjes së gjuhës së urrejtjes në internet dhe “profilimit të vazhdueshëm racor nga policia”.

CERD është përgjegjëse për monitorimin e zbatimit të Konventës Ndërkombëtare të 1965 mbi Eliminimin e të gjitha Formave të Diskriminimit Racor, në të cilën Zvicra aderoi më 1994.

Rishikimet zakonisht ndodhin çdo katër vjet. Rishikimi i fundit i Zvicrës ishte në vitin 2014. Ky u vonua kryesisht për shkak të pandemisë Covid-19, përcjell tutje albinfo.ch.

The post Zvicra duhet të bëjë më shumë për të luftuar racizmin appeared first on Albinfo.