Ky ishte betimi i të parës grua që drejtoi departamentin amerikan të shtetit nga 23 janari i vitit 1997 deri në vitin 2001, nën administratën e presidentit Bill Clinton. (efekte)

Veteranja e politikës së jashtme amerikane, Madeleine Albright u nda nga jeta në moshën 84 vjeccare, duke lënë pas një kontribut të pashoq në mbrojtje të vlerave demokratike dhe paqes.

Një mike e pazëvendësueshme e popullit shqiptar, Albright luajti një rol të jashtëzakonshëm në lirinë dhe pavarësinë e Kosovës duke mbështetur fushatën e bombardimeve të NATO-s kundër serbisë, që i dhanë fund luftës.

Dhe sot, në 23 vjetorin e nisjes së bombardimeve 78 ditore të bllokut ushtarak, ceremonitë kanë nisur me vlerësimin e figgurës së ish sekretares Albright.

Albright vizitoi Kosovën në korrik të vitit 1999, një muaj pas përfundimit të luftës dhe në vitin 2019, ku në Prishtinë u zbulua busti për nder të saj dhe u dekorua me urdhërin e lirisë.

22 vjet më parë, Madeleine Albright vizitoi edhe Shqipërnë ku u prit nga ish presidenti meidani dhe kryeministri i asaj kohe, Ilir Meta

Albright shërbeu si ambasadore në Kombet e Bashkuara ndërsa gjatë mandatit të saj si sekretare ajo ka avokuar për zgjerimin eNATO-s, ka punuar në reduktimin e përhapjes së armëve bërthamore dhe në të drejtat e njeriut e demokracinë në mbarë botën.

Për shkak të punës së saj për demokraci dhe të drejtat e njeriut, ajo më 2012 ishte nderuar me Medaljen Presidenciale të Lirisë, që është çmimi më i lartë civil në SHBA.