Një fëmijë i mitur, u gjet i pajetë brenda banesës ku jetonte me prinderit në Farsala, lokalitet në Larissa të Greqisë.

Fëmija ishte  3 vjec e gjysmë, djali i një cifti shqiptarësh që jetonin dhe punonin në këtë vend.

Sipas informacioneve të portalit local larissanet , mëngjesin e kësaj të mërkure  nëna ka shkuar për të kontrolluar djalin e vogël, i cili është invalid dhe kishte probleme të tjera shëndetësore dhe ka konstatuar se ishte pa ndjenja.

Në vendngjarje ka mbërritur autoambulanca e cila ka transportuar fëmijën në spital në Farsalon ku u konfirmua vdekja e tij.

Sipas informacioneve të para, babai është larguar prej kohësh nga shtëpia, duke lënë bashkëshortën e tij me fëmijën e vogël.

Hetimet paraprake për ngjarjen po kryhen nga policia e Farsalon, ndërsa autopsi-nekropsia nëse do të urdhërohet nga prokuroria pritet të hedhë dritë mbi shkaqet e vdekjes.