Në Prizren ka nisur edicioni i 22-të i festivalit ndërkombëtar i filmit DokuFest.
Organizimi ishte kryer me kohë.
“Përgatitjet finale janë bërë në kinematë, prandaj dhe tani gjithçka është gati edhe për një udhëtim të jashtëzakonshëm kulturor, i cili do të ofrojë përvoja të reja dhe të paharrueshme për secilin”, thuhet në njoftimin e bërë në faqen e festivalit, përcjell albinfo.ch.
Derisa bëhet e ditur se marrëdhënia ndërmjet njeriut dhe Inteligjencës Artificiale do të jetë tema qendrore në këtë edicion.
Sipas Veton Nurkollarit, drejtorit artistik, festivali sjellë një tjetër program të jashtëzakonshëm të filmave që do të shqyrtojnë shumë gjëra dhe marrëdhënie, prej njerëzve te natyra dhe deri te teknologjia.
“Këtë vit do t’i kushtojmë një vëmendje të veçantë Inteligjencës Artificiale duke filluar nga tema dhe identiteti vizual, pastaj filmat dhe diskutimet, për të eksploruar se ku është shoqëria në raport me këto zhvillimet e fundit”, ka thënë ai, shkruan Klan Kosova.
Filmi ikonik “2001: A Space Odyssey” nga regjisori legjendar Stanley Kubrick do ta hapë festivalin më 4 gusht, në Lumbardhi Bahçe, menjëherë pas ceremonisë së hapjes. Programi i të premtes mbrëma përfshin shfaqje të filmave edhe në DokuKino, DokuKino Plato, Sonar Cinema, Lunar Cinema dhe Kino Lumi (orarin mund ta gjeni në dokufest.com). Ndeja muzikore është në Andrra Stage ku DokuNights nis me Peaches/Steffi/Ivana Dragsic.
Këtu gjeni orarin e dokumentarëve që shfaqen nga 4-12 gusht.
The post Nis festivali ndërkombëtar DokuFest appeared first on Albinfo.
