Tendencat e manikyrit nuk pushojnë së na surprizuari, duke nxjerrë në plan të parë kreativitetin tonë. Mirëpo, ka raste kur duam të adoptojmë nuanca më të buta, të cilat së pari përshtaten me çdo veshje, së dyti nuk kërkojnë aftësi të veçanta në aplikimin e tyre dhe nxjerrin në pah elegancën tonë.

Në këtë pikë, le t’ju njohim me thonjtë qumështor, një trend që mund ta njihni tashmë dhe që është rikthyer fuqishëm muajt e fundit. Është një manikyr në nuancën e qumështit – siç tregon edhe emri i tij – pra, e bardhë e tejdukshme.

Është delikate, por në të njëjtën kohë duket elegante dhe shkon me çdo gjë që vishni, pavarësisht nga stili juaj.