Kryeministri i Republikës së Kosovës, Albin Kurti, ka vizituar sot festivalin “Hardh Fest”, i cili po mbahet në Rahovec, bëhet e ditur në faqen zyrtare të festivalit në rrjetin social Facebook, përcjell albinfo.ch.
“Hardh Fest në bashkëpunim me Klubin Letërar ‘Xhevdet Bajraj’ e organizuan orën poetike në kujtim të poetit të ndjerë me famë botërore Xhevdet Bajraj. Poashtu Znj.Drita Popaj promovoi librin e saj ‘Eja në ëndërr’”, thuhet në njoftim.
Kurti ka marrë pjesë në aktivitetin e orës poetike, e njohur si “Hardh ora poetike Xhevdet Bajra”, teksa më pas ka vizituar prodhuesit vendorë të cilët kanë ekspozuar produktet e tyre.
Dita e sotme shënon ditën e tretë të edicionit të sivjetmë të “Hardh Fest”, ngjarje që përveç aktiviteteve të ndryshme për vizitorët dhe ka promovuar rrushin dhe produktet e tjera vendore.
The post Kryeministri i Kosovës viziton festivalin Hardh Fest appeared first on Albinfo.
