Në kuadër të Javës Italiane në Gjermani dhe programit prej rreth 100 ngjarjesh kulturore, në Ambasadën e Italisë në Berlin u mbajt një panel diskutimi i organizuar nga Ambasada e Italisë në Berlin dhe platforma ChertLüdde, përcjell albinfo.ch.
Në këtë panel morën pjesë artisti Petrit Halilaj, dirigjenti Marco Crispo, kuratorja e Hamburger Bahnhof Catherine Nichols dhe ushtruesi i detyrës së drejtorit të Filharmonisë së Kosovës, Dardan Selimaj. Aktiviteti u zhvillua nën kujdesin e ambasadorit Fabrizio Bucci.
Paneli i diskutimit i parapriu premierës së veprës “Syrigana”, e cila do të prezantohet në institucionin e njohur Hamburger Bahnhof – Nationalgalerie der Gegenwart në Berlin. Ngjarja u cilësua si një moment i rëndësishëm i dialogut kulturor dhe bashkëpunimit artistik ndërmjet Kosovës, Italisë dhe Gjermanisë, /Albinfo.ch
The post Petrit Halilaj në panel diskutimi në Berlin në kuadër të Javës Italiane në Gjermani appeared first on Albinfo.
