Ambasada e Republikës së Kosovës në Austri mori pjesë në edicionin e 9-të të Festivalit Ndërkombëtar të Filmit të Shkurtër në Linz (Linz International Short Film Festival), ku filmi kosovar “From 6 to 5” fitoi çmimin “Best Fiction”, në konkurrencë me 57 filma të përzgjedhur nga mbi 4,000 aplikime.

Filmi, me skenar dhe regji të Erlisë Beqirit, producent dhe drejtor fotografie Ardian Dubova, si dhe me aktorët Astrit Kabashi dhe Eshref Durmishi, shënon një tjetër sukses të rëndësishëm për kinematografinë kosovare në skenën ndërkombëtare.

Në ceremoninë e ndarjes së çmimeve, Ministër Këshilltari Valon Krasniqi, në emër të Ambasadës, përgëzoi regjisoren dhe ekipin realizues për këtë arritje. Çmimin e pranuan regjisorja Erlisë Beqiri dhe producenti Ardian Dubova.

Urime gjithë ekipit për këtë sukses dhe përfaqësimin e denjë të Kosovës në Austri!