Kosova ka arrestuar 21 zyrtarë shtetërorë, të akuzuar për mashtrim me subvencione. Aksioni policor është zhvilluar në pesë qytete: Prishtinë,  Podujevë, Pejë, Gjilan dhe Istog. 14 prej të arrestuarve janë zyrtarë të Agjencisë për Zhvillimin e Bujqësisë.

Prokurori i rastit, Rafet Halimi bëri të ditur se shumica nga të arrestuarit janë inspektorë që kanë hartuar raporte të pavërteta.

Më 24 dhe 25 shkurtit të këtij viti, në kuadër të operacionit “subvencione 2021” u arrestuan edhe 12 persona të tjerë. Vlera e dëmit të shkaktuar llogaritet mbi një milion euro.