Televizioni publik i Kosovës ka njoftuar se po bën përgatitjet për realizimin e Festivalit të Dytë të Këngës teksa edhe këtë vit në krye të këtij Festivali është emëruar drejtor Adrian Krasta.
Mirëpo a do të përfaqësohet kënga fituese në Eurovision?
RTK ka njoftuar se së shpejti do të paraqesë aplikimin e saj në EBU që kënga fituese ta përfaqësojë Kosovën në Eurovision, transmeton albinfo.ch.
“Ne jemi optimistë që kënga fituese e festivalit të dytë me radhë do ta përfaqësojë Kosovën në këtë garë ndërkombëtare. Për këtë çështje është punuar në vazhdimësi nga bordi dhe menaxhmenti i RTK-së dhe është arritur të sigurohet përkrahje nga shumë vende, por në anën tjetër, ka edhe pengesa të vazhdueshme për shkaqe politike nga disa vende mosnjohëse të Kosovës”, thuhet në njoftimin e Bordit të RTK-së.
The post A do të jetë Kosova pjesë e Eurovisionit në vitin e ardhshëm? appeared first on Albinfo.