Me një talent që lë pa fjalë dhe pasion të pakufishëm për kërcimin modern, Andi Ismaili 16 vjeçar nga Gostivari ka rrëmbyer kurorën e fitores në garën prestigjioze ndërkombëtare “DANCE OFF”.

Performancat e tij plot energji dhe origjinalitet kanë mahnitur jurinë dhe publikun, duke e ngritur atë në majat e skenës ndërkombëtare.

Në një konkurrencë të fortë, Andi dëshmoi se është më shumë se një kërcimtar: ai është një yll që shkëlqen me përkushtimin dhe punën e palodhur që i dedikon pasionit të tij. Kjo fitore e jashtëzakonshme konfirmon pozicionin e tij si një prej artistëve më të talentuar të brezit të ri.

Andi është në përgatitje e sipër edhe për garat botërore të vallëzimit.

Me këtë arritje Andi Ismaili na frymëzon të gjithëve dhe na kujton se ëndrrat bëhen realitet kur i ndjekim me gjithë zemër.

The post Andi nga Gostivari fiton vendin e parë në garën ndërkombëtare “DANCE OFF” appeared first on Albinfo.