Pas organizimit të suksesshëm të ngjarjes festive për 30-vjetorin e themelimit, Ansambli “Vatra” do të marrë pjesë këtë fundjavë në Albanifest, një nga festivalet më të mëdha verore në Zvicër.
Për tri ditë me radhë, vizitorët e Albanifest-it do të kenë mundësinë të shijojnë kuzhinën tradicionale shqiptare, të përjetojnë muzikën dhe vallet burimore që karakterizojnë trashëgiminë kulturore shqiptare.
Kjo është hera e dytë që Ansambli “Vatra” merr pjesë në këtë ngjarje historike, e cila ka mbi 50 vjet që organizohet në qytetin e Winterthur-it. Pjesëmarrja konsiderohet si një mundësi e rëndësishme për të promovuar kulturën shqiptare dhe për të forcuar lidhjet me diasporën.
Ansambli do të jetë i pranishëm në adresën Steinberggasse 18–22, Winterthur, në standin nr. 63.
Publiku ftohet të marrë pjesë dhe të bëhet pjesë e festës së kulturës dhe shpirtit shqiptar në një atmosferë të gjallë dhe festive.
The post Ansambli “Vatra” rikthehet në Albanifest, një festë në zemër të Winterthur-it appeared first on Albinfo.