Disa qindra njerëz marshuan nëpër Bazel në mbrëmje pak para finales së Eurovizionit në një tubim të paautorizuar kundër Izraelit dhe pjesëmarrjes së tij në Eurovizion.
Një zëdhënës i policisë ka thënë se bëhet fjalë për 500 pjesëmarrës. Mediat në Bazel raportuan për deri në 1,000 persona, transmeton albinfo.ch. Policia ka mbyllur urën Mittlere Brücke dhe ka rrethuar demonstruesit.
Në Gjenevë, rreth 2,500 njerëz dolën në rrugë në mbështetje të Gazës pasditen e sotme.
Finalja e edicionit të 69-të të Festivalit të Këngës Eurovision filloi në Bazel të shtunën në mbrëmje, shkruan srf.ch. 26 vende konkurrojnë për të fituar trofeun e mikrofonit prej qelqi.
Pritet që festivali të ketë mbi 160 milionë shikues. Fituesit dhe humbësit përcaktohen nga juria dhe publiku – secili vend jep deri në 12 pikë.
Ngjarja shoqërohet me protesta. Rreth 300 njerëz demonstruan në Bazel kundër pjesëmarrjes së Izraelit.
The post Demonstratë anti-Izrael në Bazel gjatë finales së Eurovisionit appeared first on Albinfo.