Dua Lipa ka publikuar videoklipin e këngës së saj “Training Season”, përcjell albinfo.ch.
Përmes një postimi në rrjetin social “Instagram”, ajo ka njoftuar për videoklipin, duke i falënderuar bashkëpunëtorët.
Për realizimin e kësaj kënge ajo pati thënë se është frymëzuar nga jeta reale, pasi sipas saj, shumë burra nuk ditën se si të silleshin me të nëpër takime romantike.
Lipa kur po tregonte për albumin e saj të ri, ka thënë se po ndjehej sikur ishte duke i trajnuar burrat se si të silleshin me të.
“Kam qenë nëpër shumë takime të këqija romantike. Kur shkova në studio, bashkëpunëtorët e mi, Caroline e Tobias, më pyetën se si shkoi takimi i mbrëmshëm, unë menjëherë u përgjigja, duke u thënë se ‘sezoni i trajnimit ka mbaruar’ dhe kalova një ditë të mrekullueshme, duke e bërë këtë këngë”, pati thënë Lipa.
“Training Season” bashkë me këngën “Houdini” janë pjesë e albumit të saj të ri dhe të dyja ylli i këndoi në ngjarjen e ndarjes së çmimeve “Grammy” që u mbajt në fillim të këtij muaji.
The post Dua Lipa ka publikuar videoklipin e këngës së saj “Training Season” appeared first on Albinfo.