Ylli botëror i muzikës me prejardhje kosovare, Dua Lipa, po vazhdon t’i shijojë pushimet në bregdetin shqiptar, transmeton albinfo.ch.
Dua po poston fotografi dhe video nga vizita e saj në Shqipëri, duke i ndarë me 70 milionë fansat e saj në Instagram, bukuritë natyrore të vendit.
Lipa shoqërohet nga familjarët e saj, miqtë dhe i dashuri, Anwar Hadid. Dhe është e natyrshme që aty të mos mungojnë as ndejat me ushqime e muzikë tradicionale kosovare e shqiptare në vilat luksoze të Sarandës.
Kjo u vërejt edhe në videon e fundit të postuar nga ylli i muzikës pop, ku Dua shfaqet duke vallëzuar me gotë të mbushur me ujë në kokë, teksa e valëvit shaminë e rrethuar dhe e duartrokitur nga pjesëtarët tjerë të familjes.
Videon, Lipa e ka shoqëruar me mbishkrimin: “Ma vërteto që je shqiptar, pa më treguar që je shqiptar”. Çka nënkupton se vet vallëzimi, muzika dhe atmosfera në këtë ndejë e tregojnë prejardhjen e këngëtares, të cilën asnjëherë nuk e ka fshehur dhe me mburrje i përfaqëson rrënjët e familjes së saj, anembanë botës.
The post Dua Lipa vallëzon nën tingujt e muzikës shqipe appeared first on Albinfo.