“BBC Cardiff Singer of the World” është rikthyer sivjet në kryeqytetin e Uellsit. Konkursi më prestigjioz i këndimit të operas në botë vjen me 16 interpretues të rinj premtues që garojnë për çmimin e parë të këtij eventi.
Pjesë e këtij kompeticioni është edhe sopranoja shqiptare me famë ndërkombëtare, Elbenita Kajtazi. Ajo ka bërë një interpretim fantastik, për të cilin ka raportuar edhe BBC, duke publikuar njëherësh edhe performancën e saj në faqen e tyre zyrtare.
Sopranoja shqiptare, Elbenita Kajtazi, mahniti të gjithë me performancën e saj në skenën botërore të konkursit të këngës në BBC Cardiff Singer of the World.
Për herë të parë në histori ajo ka prezantuar Kosovën në këtë garë, ndërsa interpretoi një repertor të larmishëm të veprave botërore dhe shqiptare.
Në mesin e veprave ishte edhe kënga shqipe “Agimet Shqiptare” e kompozuar nga Avni Mula, e përmes së cilës duket se ajo ka shprehur mallin për atdheun.
Paraqitja në një skenë të tillë, ku u shoqërua me një orkestër të tërë dëshmoi edhe një herë që sukseset e saj nuk kanë mbarim.
Prezantimet e tilla na bëjnë krenar gjithmonë ndërsa i urojmë shumë sukses në këtë konkurs.
The post Elbenita Kajtazi prezanton Kosovën në BBC Cardiff Singer of the World appeared first on Albinfo.