Një nga festivalet më në zë në Zvicër dhe më gjerë është Festivali Ndërkombëtar i Filmit në Gjenevë, i cili për katër vjetë rresht ka prezantuar edhe filmat shqip, mes shumë filmave të tjerë, shkruan albinfo.ch.
Pa dyshim se hijeshinë e këtij festivali do ta shtojë edhe prezenca e Çun Lajçit, një ikonë e respektuar, që do të nderohet si pjesë e jurisë për ndarjen e çmimeve.
Festivali FIFOG është mbështetësja kryesore që u ka mundësuar shqiptarëve të paraqiten me artin e kulturës shqiptare.
Programi:
“NINULLË” (BERCEUSE), regjisor Adrian Asllani, Kosovë – Zvicër / Fiktiv, 15 min / 2023 / VO në gjuhën shqipe / Subtitra në gjuhën angleze.
“SILENCE OF SIRENS”, (HESHTJA E SIRENAVE) regjisor Gazmend Nela, Kosovë – Zvicër / Fiktiv / 2023 / 1 orë e 33 minuta / VO në gjuhën shqipe / Subtitra në frëngjisht.
Prania e këtyre artistëve të shquar do ta bëjë këtë ngjarje edhe më të veçantë:
– Gazmend Nela, bashkë me ekipin e tij (zviceranë dhe shqiptarë)
– Artisti Ramë Dardania anëtar në Komisionin e Festivalit. (Kosovë)
– Çun LAJÇI (Aktor dhe anëtar i jurisë)
– Adrian Asllani (Regjisor)
Bashkohuni me ne te premten, më 14 qershor, në orën 20:00, për një mbrëmje artistike shqiptare në «Cinéma du Grütli», Gjenevë. /Albinfo.ch
The post Festivali Ndërkombëtar i Filmit në Gjenevë për 4 vjet me radhë sjell fima shqiptarë appeared first on Albinfo.