Filmi “Dua” i regjisores kosovare Blerta Basholli është vlerësuar me çmimin “SACD” në Festivalin Ndërkombëtar të Filmit në Kanë. Ky çmim ndahet në kuadër të seksionit paralel “Semaine de la Critique” nga Shoqata e Autorëve dhe Kompozitorëve Dramaturgë.
Çmimi “SACD” zakonisht jepet për skenarin më të mirë ose për vepra me stil origjinal dhe ndikues. Basholli, e cila është edhe skenariste e filmit, e ka realizuar skenarin në bashkëpunim me Nicole Borgeat, transmeton albinfo.ch.
Filmi trajton realitetin e Kosovës së viteve ’90, ndërsa në kast përfshihen aktorët Arben Bajraktaraj, Kaona Matoshi, Yllka Gashi, Kushtrim Hoxha, Fiona Abdullahu dhe Mila Saviq.
The post Filmi “Dua” i Blerta Bashollit fiton çmimin “SACD” në Kanë appeared first on Albinfo.