Kompozitorja nga Kosova, Anda Kryeziu, ka shënuar një arritje të rëndësishme në karrierën e saj artistike, duke prezantuar premierën botërore të veprës së saj orkestrale “Timestamps – Everything Leaves a Trace” në Sallën e Filharmonisë së Kölnit, përcjell albinfo.ch.
Vepra u interpretua nga Orkestra e transmetuesit publik WDR në Köln, nën dirigjimin e dirigjentit amerikan Jonathan Stockhammer, para një publiku të muzikës klasike në një prej institucioneve më të njohura kulturore në Gjermani.
Ky prezantim konsiderohet një sukses i veçantë për kompozitoren kosovare, pasi sjell krijimtarinë e saj në një nga skenat më prestigjioze të muzikës evropiane dhe njëkohësisht promovon potencialin artistik të Kosovës në arenën ndërkombëtare.
Për një krijuese të re nga Kosova, interpretimi i një vepre origjinale në një institucion të këtij niveli përfaqëson një hap të rëndësishëm drejt afirmimit të kompozitorëve shqiptarë në qendrat kryesore të muzikës klasike në Evropë./Albinfo.ch
The post Kompozitorja kosovare Anda Kryeziu debuton në Filharmoninë e Kölnit me premierë botërore appeared first on Albinfo.