Ajo erdhi nga Shqipëria në Prishtinë pa e ditur se çfarë surprize e priste. Nëna e saj e kishte sjellë në Sunny Hill Festival si dhuratën më të bukur për ditëlindje, transmeton albinfo.ch.
Era, një fanse 10-vjeçare e Katy Perry, përjetoi emocionin më të madh të jetës kur superylli botëror e ftoi pranë skenës dhe i këndoi vetëm asaj. E pushtuar nga emocionet, vogëlushja nuk mundi t’i mbante lotët, ndërsa edhe vetë Katy Perry u prek nga momenti.
Takimi i veçantë u shndërrua në kujtimin më të bukur të ditëlindjes së Erës, e cila këndoi së bashku me artisten hitin “Roar”, duke jetuar një ëndërr që për shumë fansa mbetet e paarritshme.
Një moment emocionues që preku zemrat e publikut dhe dëshmoi se ndonjëherë, ëndrrat vërtet bëhen realitet./Albinfo.ch
The post Kur ëndrra bëhet realitet: Katy Perry i këndon për ditëlindje Erës në Sunny Hill appeared first on Albinfo.