Gjeneva dhe Cyrihu do të mirëpresin autorin nga Kosova, z. Enver Dugolli, i cili njëkohësisht është zëvendësministër i Punëve të Brendshme në Qeverinë e Republikës së Kosovës, në kuadër të aktiviteteve kulturore të muajit nëntor.
Me rastin e Ditës Botërore të Shkrimtarëve në Burg, Shoqata Kulturore Dora d’Istria nga Gjeneva, bashkë me Lidhjen e Shkrimtarëve dhe Krijuesve Shqiptarë në Mërgatë dhe Shoqërinë Kulturore Artistike Ilirët nga Lozana, organizojnë mbrëmje promovuese kushtuar librit „Për Kosovën Republikë“ të autorit Enver Dugolli.
Në Gjenevë, aktiviteti do të mbahet më 14 nëntor 2026, nga ora 19 :00.
Po i njëjti aktivitet është organizuar edhe më 15 nëntor nga Konsullata e Republikës së Kosovës në Cyrih e cila do ta prezantojë librin para mërgatës shqiptare në pjesën gjermanofone të Zvicrës nga ora 18 :00.
Këto veprimtari synojnë të sjellin në vëmendje kujtesën historike, përvojën e burgosjes politike dhe sakrificat për lirinë e Kosovës, si dhe të nxisin reflektimin dhe dialogun mbi fjalën e lirë, kujtesën kolektive dhe përcjelljen e historisë te brezat e rinj.
Musa Jupolli, në cilësinë e kryetarit të Lidhjes së Shkrimtarëve dhe Krijuesve Shqiptarë, studiues dhe autor i shumë veprave letrare, në emër të kësaj lidhjeje do të jetë pjesë aktive e panelit promovues në Gjenevë. Ndërsa artistët e Shoqërisë Kulturore Ilirët do të jenë zëri i fragmenteve nga vepra „Për Kosovën Republikë“ dhe një pasuri e shtuar artistike e mbrëmjes.
Ngjarja në Gjenevë do të përcillet edhe me praninë e shumtë të atdhetarëve nga Kosova të njohur për veprimarinë e tyre liridashëse, aktivistë edhe në mërgatë e ish të burgosur politikë për Kosovën Republikë si dhe miq të Kosovës.
Kontakt për media:
Gjenevë
Cyrih
Aktiviteti në Gjenevë:
Data: 14 nëntor 2026
Ora: 19:00
Vendi: SWISS UMEF
University of Applied Sciences Institute
187 Route d’Aïre
1219 Aïre, Gjenevë
Aktiviteti në Cyrih:
Data: 15 nëntor 2026
Ora: 18:00
Vendi: Konsullata e Republikës së Kosovës
Eugen-Huber-Strasse 19A
8048 Zürich
Ju ftojmë ta shënoni këtë datë në agjendën tuaj.
Mirë se vini!
The post Në Gjenevë dhe në Cyrih promovohet libri i Enver Dugollit „Për Kosovën Republikë“ appeared first on Albinfo.