Më 5 gusht këngëtarja Rita Ora do të japë sërish koncert në Zvicër, tranmeton albinfo.ch. Në një intervistë për mediat e këtushme, ajo është shprehur e magjepsur për birrën zvicerane, audiencën dhe shumë më tepër.

Këngëtarja shqiptare-britanike është adhuruese e birrës zvicerane,  shkruan “Bote”. Ajo gjithashtu mendon se ushqimi në Zvicër është “fantastik”. Por nuk është vetëm kuzhina…

Asaj i pëlqen edhe fakti që gjithçka është kaq e pastër këtu. Dhe sistemi shëndetësor është gjithashtu i shkëlqyer.

Sipas intervistës për “20 minuten”, ajo ka vlerësuar veçanërisht fansat e saj zviceranë. Mbështetja e tyre është “e mahnitshme”. Zviceranët janë të sjellshëm dhe shumë të lumtur.

Rita Ora theksoi se publiku këtu është gjithmonë mirënjohës. Për koncertet dhe gjithashtu për artistët që vizitojnë Zvicrën.

Paraqitja e saj e fundit në Zvicër ishte në vitin 2022 në Cyrih Openair në Rümlang ZH. Por fansat tashmë mund të presin me padurim shfaqjen e saj të radhës, përcjell albinfo.ch. Kjo do të ndodhë më 5 gusht, në Schaffhausen.

The post Rita Ora, para koncertit të saj zviceran: “e magjepsur” me Zvicrën appeared first on Albinfo.