Sunny Hill Festival përmbyll sonte edicionin e sivjetmë me natën finale, e cila pritet të mbledhë mijëra adhurues të muzikës në Prishtinë, përcjell albinfo.ch.
Sipas programit zyrtar të festivalit, ylli holandez i muzikës elektronike Martin Garrix do të jetë emri kryesor i mbrëmjes, ndërsa në skenë do të ngjiten edhe artistë të tjerë si Roya, Kim Turnbull, Carlita si dhe Adam Port & Rampa në skenën C4.
Edicioni i këtij viti, i mbajtur nga 31 korriku deri më 2 gusht, solli në Prishtinë artistë të njohur ndërkombëtarë si Katy Perry, Lewis Capaldi dhe Martin Garrix, krahas emrave të njohur të skenës shqiptare.
Sunny Hill Festival vazhdon të jetë një nga ngjarjet më të mëdha muzikore në Kosovë, duke tërhequr çdo vit vizitorë nga Kosova, rajoni dhe diaspora.
The post Sonte nata finale e Sunny Hill Festival, Martin Garrix kryeson programin appeared first on Albinfo.