Sopranoja me origjinë shqiptare, Ana Naqe, ka realizuar një sukses të jashtëzakonshëm në skenën ndërkombëtare, duke interpretuar rolin kryesor në operën “Bovary” në Théâtre de la Monnaie në Bruksel – institucion që këtë vit është vlerësuar me çmimin për “Shtëpinë Operistike më të Mirë të Vitit 2025”, shkruan albinfo.ch.
Shfaqja u prit me entuziazëm si nga publiku, ashtu edhe nga kritika. Mediat prestigjioze të muzikës operistike në Evropë kanë vlerësuar performancën e Ana Naqe si një ndër interpretimet më të fuqishme dhe emocionale të këtij sezoni.
Kritikat më të rëndësishme të operës e kanë cilësuar zërin dhe interpretimin e saj si “magnetik”, duke nënvizuar mjeshtërinë artistike dhe thellësinë shpirtërore që sopranoja shqiptare i dha personazhit të saj, shkruan albinfo.ch.
The post Sopranoja shqiptare Ana Naqe mahnit në Bruksel me rolin kryesor në operën “Bovary” appeared first on Albinfo.
