13 nuk është tersi i vetëm, njihuni me numrat e tjerë - Struga Lajm | Struga Lajme

Numri 13 nuk është i vetmi numër ters. Në vende të ndryshme të botës ka shumë numra të tjerë që shqetësojnë bestytët. Nga numri 7 te 11, nga 26 në 39 dhe nga 87 deri në 191 po ju sjellim vendet ku këto numra konsiderohen se sjellin fat të keq dhe që janë hequr nga kompani celulare apo ajrore.

Numri 11. Të gjitha bestytnitë që lidhen me numrin 11 janë relativisht të kohëve të fundit dhe dalin nga tragjedia e 11 shtatorit 2001. Ndër rastësitë e ndryshme që kanë emocionuar shpirtin e supersticiozëve, është fakti që avioni i parë i rrëmbyer ishte fluturimi 11 i American Airlines, i cili kishte 92 pasagjerë (9 + 2 = 11) dhe se 11 shtatori ishte dita e 254 e vitit (2+5+4 = 11).

Numri 17. Nëse në vendet anglo-saksone supersticiozët i shmangen mallkimit të së premtes së 13 –të, në Itali disa shikojnë me dyshim numrin 17, ndërsa në pjesën tjetër të botës janë numra të tjerë që shqetësojnë bestytët. Në Bullgari kompania e telefonisë celulare Mobitel ka pezulluar numrin e telefonit 0888 888 888 pasi tre persona që kishin këtë numër vdiqën në vetëm 10 vjet. I pari ishte Vladimir Grashnov, ish-CEO i kompanisë. Numri më vonë iu dha zotit të drogës Konstantin Dimitrov, i cili u vra në Holandë dhe në fund njërit prej bashkëpunëtorëve të tij, trafikantit të drogës, Konstantin Dishliev, i vrarë në vitin 2005.

Numri 26. Në Indi për disa vite, numri 26 nuk ka sjellë fat të mirë, siç raportohet nga gazeta “The Times of India”. Tërmeti Gurjat ndodhi më 26 janar 2001, cunami tragjik i Oqeanit Indian i 2004 që vrau 230,000 njerëz, më 26 dhjetor. Pastaj janë bombat që shpërthyen në Guëahati më 26 maj 2007 dhe sulmet në Mumbai më 26 nëntor 2008.

Numri 39. Në Afganistan, numri 39 nuk sjell fat dhe banorët supersticiozë të Kabulit e heqin atë nga numrat e shtëpive. Sipas gazetës The Guardian, ata madje paguajnë ryshfet për ta hequr atë nga targa e makinës ose numri i telefonit. Duket se supersticioni buron nga historia e një burri nga Herati, i cili drejtonte një grup prostitutash dhe të cilit i vunë nofkën “39” sepse ai zgjodhi këtë numër për targën e makinës dhe numrin e shtëpisë.

Numri 87. Në Australi që nga viti 1929 është përhapur një bestytni e lidhur me numrin 87, veçanërisht në fushat e kriketit. U krijua nga Keith Miller, e cila kishte identifikuar në këtë numër një sërë fatkeqësish që ndodhën në fushat e lojës. Edhe pse disa prej tyre ishin të pabaza, numri 87 që atëherë ka fituar një reputacion të keq.

Numri 191. As Delta dhe as American Airlines nuk kanë fluturime me këtë numër. Dhe shpjegimi, siç thuhet nga Wall Street Journal, duhet kërkuar në një seri aksidentesh avioni që ndodhën midis viteve 1979 dhe 2012, disa prej të cilave ishin fatale. Në 4 raste avioni kishte këtë numër.

Numri 250. Në Kinë, numri 250 konsiderohet një fyerje dhe kjo varet nga mënyra se si shqiptohet në mandarin: “er bai wu”, që tingëllon si “idiot”. Por numri 250 është gjithashtu çereku i 1000, një masë standarde që në Kinën e lashtë përdorej për të treguar diçka me vlerë në monedha. Pra, 250 tregon diçka me vlerë të vogël.

Lexo edhe: