Njëra është në Indi, një tjetër në Francë, por në shumicën e rasteve në Itali mund të admirohen skulpturat që përfaqësojnë poza sensuale në momente ekstaze dhe pasioni. Gazeta italiane “Focus” ka përzgjedhur gjashtë prej tyre të krijuara nga artistët që kanë bërë histori.

FONTANA DI NETTUNO DEL GIAMBOLOGNA (BOLOGNA, ITALI). Vepra e artistit flamand, e krijuar midis viteve 1563 dhe 1566 dhe e vendosur në qendër të Bolonjës, fsheh një dredhi të ideuar nga autori për të anashkaluar censurën kishtare. Në fakt, një legjendë tregon se Giambologna donte t’i jepte Neptunit një anëtar më të madh se ai aktuali, por Kisha e kundërshtoi. Pra, ai e projektoi statujën prej bronzi në atë mënyrë që gishti i madh i dorës së tij të majtë, nëse inkuadrohet nga një kënd i caktuar i katrorit, mund të sugjerojë një falus të ngritur në koincidencë me barkun e poshtëm të zotit.
PERËNDIA PAN DHE DHIA (NAPOLI, ITALI). Ky grup skulpturor prej mermeri ndodhet në Kabinetin Sekret të Napolit, një seksion i muzeut arkeologjik me gjetje të lashta me një temë erotike. E gjetur në vitin 1752 në Herculaneum, në Villa dei Papiri, është ndër veprat që kanë shkaktuar skandalin më të madh, sepse përfaqëson bashkimin e faunit me një dhi me shumë detaje.
PËRDHUNIMI I PROSERPINËS NGA GIAN LORENZO BERNINI (ROMË, ITALI). Skulptura përshkruan rrëmbimin e Proserpinës nga Plutoni dhe ndodhet në Romë, në Galleria Borghese. Është momenti kulminant i veprimit. Muskujt e Zotit janë të tensionuar në përpjekjen për të mbështetur trupin e Proserpinës që tundet, aq sa duart e Plutonit zhyten në mishin e saj. Një detaj i rëndësishëm, i cili nënvizon dëshirën dhe erotizmin e skenës, që ndihet edhe në trupat e përdredhur për të formuar një lloj vorbulle.
DASHURI DHE PSIKE NGA ANTONIO CANOVA (PARIS, FRANCE). Vepra e mermerit është frymëzuar nga Cupid dhe Psyche, një nga tregimet më të njohura të Gomarit të Artë të Apuleius. Versioni i parë u krijua midis viteve 1788 dhe 1793, dhe është ekspozuar në Luvër në Paris, por ekzistojnë edhe dy të tjerë. Vepra përfaqëson, me një erotizëm pak mishtor dhe shumë të rafinuar, perëndinë Dashuria teksa sodit me butësi fytyrën e të dashurës së tij në momentin para puthjes. Është një skulpturë e madhe grup mermeri barok nga artisti italian Gian Lorenzo Bernini, e realizuar  midis 1621 dhe 1622, kur karriera e Berninit ishte në faza fillestare.
IDHULI I PËRJETËSHËM I AUGUSTE RODIN (PARIS, FRANCË). Skulptori francez, në këtë skulpturë prej mermeri të vitit 1889, të ruajtur në Muzeun Rodin në Paris, përshkruante një akt shumë intim dashurie. Është një erotizëm intensiv dhe në të njëjtën kohë delikat, i shfaqur nga ëmbëlsia e vështrimit të saj që mirëpret fytyrën e tij, të mbështetur pas trupit si në një akt përkushtimi.

Lexo edhe:

  1. Skulpturat surrealiste të fshehura në xhunglën meksikane
  2. Turistët e këndshëm, fotot qesharake me skulpturat