Ashtu si ushqimi, ka qindra mijëra pije për të provuar në mbarë botën. Disa nga këto janë mjaft të zakonshme, janë variacione të çajit, kafesë, pijeve joalkoolike ose alkoolit. Por pijet e tjera janë përzierje misterioze, ndonjëherë kurioze, me rëndësi kulturore, veti medicinale dhe aftësi për të ndryshuar mendjen dhe trupin. Disa pije të tjera janë thjesht të çuditshme.
Nga Bullgaria në Meksikë, Ekuador, Kore e Jugut dhe Kanada, CNN Travel ka përzgjedhur pijet më të pazakonta, që nëse iu rastis të udhëtoni në këto vende, të mund t’i provoni.
Lëngu nga syri i një peshku ton përzihet me soju, eliksiri i fuqishëm i vendit. Soju, një verë orizi e distiluar me përmbajtje të lartë alkooli, mund të gjendet pothuajse në çdo restorant, bar dhe dyqan komoditeti në vend.
Ajo vjen në shumë shije të ndryshme si pjeshkë dhe boronicë.
Sinchicara është një raki kallami, e shkrirë së bashku me lëvoren e bimëve autoktone të pyjeve dhe është unike për provincën Sucumbíos në Ekuador.
Kokteji Sourtoe nuk është një pije për njerëzit me zemër të dobët. Serviret në një gotë me Yukon Jack ose tekila. Legjenda thotë se tradita nisi kur një burrë i quajtur Louie Liken, një vrapues rumi, humbi gishtin e këmbës pasi ngriu nga bora. Vëllai i tij e preu atë, më pas e ruajti në një kavanoz. Dekada më vonë, ai u gjet në një raft në kabinën e tij dhe u shërbeu në pije për vizitorët e guximshëm të barit.
