Ëndrra e të gjithë futbollistëve dhe kujtdo që pëlqen të luajë futboll është që të bëjë gol. Por a ka një sekret për të futur gjithmonë topin në rrjetë? Po, por nuk është aq e thjeshtë për t’u bërë sa është për t’u thënë. Sekreti është: Duhet të largoni shikimin nga topi në 10 sekonda para se ta merrni atë, duke kontrolluar vazhdimisht pozicionet e lojtarëve të tjerë në fushë, duke mos u kujdesur për topin derisa ta merrni atë.

Kjo “formulë e golit” vjen nga një studim i Shkollës Norvegjeze të Shkencave Sportive, i cili analizoi modelet e lojës në Premier League, kampionatin më të mirë anglez, nga vitet 1990 e deri më sot.

Një mjeshtër në artin e skanimit (siç quhet kjo praktikë) është Erling Haaland, sulmuesi i Manchester Cityt. Nga videot e shumta të analizuara, sulmuesi norvegjez del të jetë ai që analizon më së miri pozicionimin dhe lëvizjet e lojtarëve të tjerë, praktikë e cila ndër të tjera e bën atë një nga lojtarët më të vështirë për të vënë në pozicion jashtë loje mbrojtësit. Në pjesën e parë të sezonit 2022-23, Haaland shënoi 21 gola në vetëm 15 ndeshje, duke përfunduar jashtë loje vetëm katër herë.