Kush nuk dëshiron të ketë lëkurë me shkëlqim dhe rinore gjatë gjithë verës ? Pra, ne e imagjinojmë atë të shëndetshme dhe pak më të nxirë, sa për të nxjerrë në pah shkëlqimin që morëm nga pushimi. Dhe çfarë është e çuditshme? Gjërat nuk janë pothuajse asnjëherë kështu. Mirëpo, kjo vjen për shkak të disa gabimeve, që ne po jua listojmë më poshtë në mënyrë që t’i shmangni.
-Nuk përdorim krem kundër diellit kur lëvizim. Të gjithë e përdorin kremin tonë kundër diellit ndërsa jemi në plazh, por ajo që harrojmë është se është shumë e rëndësishme ta përdorim atë edhe gjatë udhëtimit tonë. Me çfarëdo që të udhëtojmë dhe sado orë të zgjasë udhëtimi ynë, pak apo shumë, rrezet e dëmshme të diellit do të na gjejnë të pambrojtur!
-Nuk e pastrojmë fytyrën natën. Fakti që e kalojmë gjithë ditën në plazh pa bërë grim në fytyrë nuk do të thotë se është e parëndësishme që lëkura të anashkalojë pastrimin e saj në mbrëmje.
-Nuk i përshtatim produktet me klimën e destinacionit tonë. Produktet me teksturë të rëndë janë për në mal, e ndërsa në plazh do duhet të zgjedhim kremra sa më të lehta, që të përthithen lehtë.
-Neglizhojmë mbrojtjen e flokëve. Një vaj për flokët është një zgjidhje e mirë, por përveç produktit të bukurisë që do të merrni me vete, mos harroni një kapele.