Nga penel “lundrues”, te hijet në nuanca intensive, tendencat e këtij sezoni fokusohen edhe te grimi i syve. Në rast se i keni provuar tashmë dhe po kërkoni diçka të re për të provuar, ju sugjerojmë të provoni make up-in metalik të syve. Ideale për paraqitjet në mbrëmje, ky trend do t’i shtojë shkëlqim pamjes dhe do të tërheqë të gjithë vëmendjen te sytë tuaj.
Pavarësisht nëse preferoni një shkëlqim më delikat ose një efekt më ekstrem, opsionet për grimin metalik të syve janë pothuajse të pafundme dhe jashtëzakonisht të gjithanshme, më shumë sesa mund ta imagjinoni.
