A jeni ndjerë ndonjëherë sikur “motori” i trurit tuaj po nxjerr tym nga puna e tepërt? E keni gjetur ndonjëherë veten përballë një detyre, të paaftë për ta përfunduar atë, thjesht sepse mendja juaj nuk do të bindet? Ndoshta do t’ju ngushëllojë të dini se nuk jeni vetëm.

Në fakt, shumë nga detyrat që kryejmë në jetën tonë të përditshme kërkojnë përqendrimin dhe vëmendjen tonë . Pas një periudhe sforcoje të tepërt, mendja thjesht nuk mund të durojë më.

Studiuesit nga Universiteti i Sidneit donin të eksploronin se cilat praktika mund të ndihmonin mendjen të pushojë dhe të rimbushet në mënyrë që të mund t’i kthehemi produktivitetit me energji.

Ata u befasuan kur zbuluan se zgjidhja e këtij problemi të përqendrimit fshihej në një metodë shumë të thjeshtë: Një pushim prej vetëm 5 minutash nga çdo mendim dhe punë ishte i mjaftueshëm për të rikthyer përqendrimin e humbur, duke i dhënë një shtysë të re trurit . Rezultatet u publikuan në Psikologun Edukativ dhe Zhvillimor.