Një grup prej katër personash luftuan për rreth 6 orë për të nxjerrë në breg një aligator gjigant nga lumi Yazoo në Misisipi.

Në periudha të caktuara të vitit lejohet gjuetia e aligatorëve si pjesë e një nisme për të ulur numrin e tyre në Misisipi. Megjithatë, zvarraniku i fundit ishte një surprizë e madhe pasi ka një gjatësi 4,2 metra dhe peshon më shumë se 360 kilogramë.

Menjëherë sapo është postuar një foto e përbindëshit në Facebook është bërë virale, ndërsa me qindra kanë qenë komentet. “Një përbindësh”, shkruan dikush. “Ky është dinosauri i vërtetë”, komenton një tjetër.