Një qendër SPA-je në Egjipt ka krijuar një metodë krejt të veçantë dhe të frikshme për t’iu ofruar relaks klientëve të saj, duke krijuar një masazh të ri që realizohet me anë të gjarpërinjve.

Në fillim, klientëve iu lyhet trupi me vaj dhe më pas në kurrizin e tyre vendosen 28 lloje të ndryshme gjarpërinjsh jo-helmues për një terapi me adrenalinë dhe që të le pa frymë për 30 minuta.

Pronari i qendrës dhe klientët tregojnë për mediat se ky lloj masazhi krijon një rritje të vetëbesimit dhe mundëson një gjendje relaksi të paprovuar ndonjëherë.

Sipas Safwat Sedki, është provuar që masazhi me gjarpërinj zvogëlon dhimbjen e muskujve dhe mundëson një qarkullim më të mirë të gjakut, duke lëshuar endorfina.

Sedki në fillim e nisi falas këtë lloj terapie, ndërsa tashmë 30 minuta me gjarpërinjtë kushton rreth 6 dollarë.