Aktorë, këngëtarë dhe personazhe publike. Cilët janë njerëzit e famshëm që kanë ndarë përvojën e tyre të sinqertë në lidhje me problemet e tyre të shëndetit mendor?

Edhe pse tashmë ka një kuptim më të mirë se çfarë do të thotë të kesh probleme të shëndetit mendor në mbarë botën, kërkimi i ndihmës profesionale dhe të shkuarit në terapi, fatkeqësisht ende shihet me njëfarë paragjykimi.

Ndonëse kujdesi për shëndetin mendor nuk është aspak i nënvlerësuar, është e vështirë të heqim çdo konotacion negativ kur flasim për të, apo edhe kur flasim për terapi. Këto mbeten ende të rrënjosura thellë në shoqërinë e sotme.

Megjithatë, disa studime tregojnë se gjithnjë e më shumë të rritur poshkojnë te një psikolog, pavarësisht nëse duan apo jo të flasin për këtë.

Shumë të famshëm kanë ndarë betejat e tyre personale me ankthin, depresionin dhe çdo problem tjetër mendor, dhe më pas kanë treguar përvojën e tyre në terapi.

Nga Brad Pitt te Selena Gomez, por edhe Jennifer Aniston dhe Princi Harry; po ju sjellim të gjithë të famshmit që ndanë përvojën e tyre personale në lidhje me të.

Selena Gomez

Selena Gomez ka qenë gjithmonë jashtëzakonisht e sinqertë për udhëtimin e saj të shëndetit mendor. Në vitin 2016, këngëtarja mori vendimin e rëndësishëm për t’i dhënë përparësi shëndetit mendor mbi karrierën e saj. Ajo në fakt kishte anuluar turneun e saj për të mësuar se si të menaxhonte dhe të përballonte ankthin dhe stresin, të cilat për të shpesh lidhen me lupusin, një sëmundje autoimune e pashërueshme nga e cila vuante prej vitesh.

Në lidhje me këtë, gjatë një interviste në vitin 2020, Selena Gomez kishte thënë: “Unë besoj fort në rëndësinë e kryerjes së kontrolleve të rregullta me mjekët ose terapistët tuaj”.

Princi Harry

Princi Harry diskutoi publikisht efektet që vdekja e nënës së tij kishte në mirëqenien e tij mendore gjatë një interviste të vitit 2017 me Bryony Gordon në podkastin e saj Mad World.

Pasi pranoi se ai kaloi 20 vjet duke refuzuar të mendonte për Princeshën Diana, Harry tha se më në fund ka arritur në një pikë ku “zhytja e kokës në rërë nuk funksionoi më”.

Pas këtij kuptimi, princi filloi të takonte një terapist për të folur për dhimbjen e tij.

Zendaya

Ylli i Euphoria është një avokate e madhe e mbështetjes profesionale të shëndetit mendor, duke rrëfyer shpesh se si pandemia e ka ndikuar atë mendërisht.

“Sigurisht që do të shkoj në terapi. Unë rekomandoj të shkoj te një psikolog për këdo që ka mundësi financiare për ta bërë këtë. Mendoj se është një gjë e bukur. Nuk ka asgjë të keqe të punosh me veten dhe të përballesh me disa probleme me dikë që mund të të ndihmojë, dikë që mund të flasë me ty, që nuk është nëna jote apo ndonjë tjetër, që nuk paragjykon” i tha Zendaya britanik Vogue në 2021.

Brad Pitt

Në një intervistë për GQ, aktori foli sesi terapia ndikoi në divorcin e tij nga Angelina Jolie. Një burim i afërt me Pitt konfirmoi në janar 2018 se aktori fitues i Oskarit viziton një psikolog një herë në javë.

“Sapo kam filluar terapinë. Është diçka që e dua. Unë kalova dy terapistë për të arritur tek ai i duhuri”, tha ai.

Kristen Bell

“Ti punon më mirë në palestër me një trajner; ju nuk dini si të gatuani një pjatë të re nëse nuk e lexoni recetën. Terapia nuk është diçka për t’u turpëruar”, tha aktorja.

Bell kishte diskutuar edhe përvojën e saj me ilaçet kundër depresionit: “Nuk më vjen turp të them që marr ilaçe kundër depresionit. Nëse filloni të ndiheni kështu, bisedoni me mjekun tuaj, një psikolog. Dhe nëse ju rekomandon ilaçe për t’ju ndihmuar, mos u turpëroni. Në komunitetin mjekësor, ju kurrë nuk do t’i mohoni një diabetiku insulinën e tij”.

Jennifer Aniston

Në mesin e vitit 2021, “InStyle” e pyeti Jennifer Aniston se si i përputhte ndjenjat e saj të mosbesimit me dëshirën e saj për të qëndruar e hapur ndaj gjërave të reja.

Aktorja e Friends iu përgjigj me një fjalë: “Terapia”.

“Terapia më ka ndihmuar jashtëzakonisht shumë. Vetëm të jesh person me interes publik përfshin shumë gjëra të jashtëzakonshme. Por ka edhe shumë gjëra të vështira, sepse në fund të fundit edhe ne jemi vetëm qenie njerëzore.”

Kështu që këshilla e aktores është kjo: “Shkoni në terapi. Pastroni të gjitha katrahurat rreth jush. Pastroni trupin dhe mendjen tuaj nga të gjitha toksinat dhe zhurmat. Kupto kush je. Edukohu… Nëse nuk je i lumtur, mund të bëhesh i lumtur. Lumturia është zgjedhje “.

Robert Downey Jr.

Një tjetër aktor që nuk është i panjohur për përfitimet e terapisë është ylli i “Iron Man” Robert Downey Jr.

Pas një historie të gjatë të varësisë nga droga që e pa atë brenda dhe jashtë burgut, Roberti më në fund është rikthyer esëll falë kujdesit dhe ndihmës së gruas së tij, producentes Susan Doëney.

Sot, Roberti është shumë i lumtur të pranojë se ai dhe Susan ndjekin rregullisht terapinë e çifteve. “Është njësoj si pastrimi, mendoj se gjysma e punës për të mbajtur një çift të shëndetshëm konsiston në komunikimin, deri në atë pikë ku ajo që bëjmë realisht në terapi është krijimi i një ekipi, zgjidhja e konflikteve dhe gjithçka tjetër”, kishte deklaruar ai në një intervistë.

Ema Stone

Aktorja fituese e çmimit Oscar ka vuajtur nga ankthi në pjesën më të madhe të jetës së saj. Gjatë një paraqitjeje në vitin 2017 në The Late Shoë me Stephen Colbert, Emma Stone pranoi se ajo vuante nga sulmet e panikut kur ishte fëmijë dhe në moshën 7-vjeçare prindërit e saj e kuptuan nevojën e saj për ndihmë dhe e dërguan atë nga një psikolog.

“Kam përfituar shumë nga terapia”, tha ajo.

Është gjithashtu interesante të theksohet se Ema gjithashtu beson se aktrimi ka përfitime terapeutike.

“Improvizimi më ka ndihmuar shumë kam ankth edhe sot, por jo krizat e panikut”.

Michelle Obama

Në një intervistë të vitit 2018 në The Tonight Show, ish-zonja e parë foli për këshillimin e çifteve me bashkëshortin Barack Obama dhe të shkuarit në terapi vetëm, teksa promovonte librin e saj më të shitur Becoming.

“Këshillimi për martesë ishte një ndryshim i lojës për mua. E kuptova që nuk i takon burrit tim të më bënte të lumtur, se duhej të mësoja të isha mjaftueshëm dhe të vendosja veten në krye të listës sime të prioriteteve”.

Demi Lovato

Gjatë viteve, Demi Lovato ka qenë jashtëzakonisht e hapur për luftën e saj me çrregullimin bipolar, varësinë ndaj alkoolit dhe drogës.

Në vitin 2017, artistja i tha revistës People: “Unë vizitoj një terapist dy herë në javë. Sigurohem që të vazhdoj të marr ilaçet e mia. Unë shkoj në mbledhjet e AA. Nuk ka vërtet asgjë për t’u turpëruar.”