Një libër që flet për transformimin dhe evolucionin magjepsës të Los Anxhelosit, nga vitet 1870 e deri më sot, është publikuar nga aktorja dhe gazetarja, Rosemary Lord. Libri krahason fotografitë e vjetra të arkivave me fotografitë moderne, të fiksuara nga i njëjti këndvështrim. Imazhet historike të shekullit XIX dhe fillimshekullit XX, dëshmojnë më së miri evoluimin e vendit.

Ndër të tjera, autorja e librit shkruan: “I ka mbijetuar përmbytjeve katastrofike, zjarreve, trazirave dhe tërmeteve, por sërish Los Anxhelos vazhdon të tërheqë banorë dhe vizitorë të rinj”.

Fotogaleria e mësipërme paraqet disa nga imazhet e rralla të Los Anxhelosit vite më parë, si dhe ndryshimet rrënjësore që ky vend ka pësuar.