Periudha më e bukur e vitit ka ardhur. Santa Klausi nisi udhëtimin e tij të përvitshëm, për të shpërndarë gëzim rreth botës.
Në një video të postuar në YouTube, ai shpjegoi se është gati për të lënë shtëpinë e tij në Rovaniemin me dëborë, në prag të Krishtlindjeve: “Pritjes së gjatë i erdhi fundi dhe tani është koha të nis udhëtimin e gjatë dhe të lumtur rreth botës”.
Santa shpërndau klipe emocionuese të njerëzve që bëheshin bashkë për të luajtur në borë e që shoqëronin fëmijët për të takuar e dalë në fotografi me babagjyshin.
Para se të hipte në slitën e tërhequr nga drerët, Santa Klausi foli për kuptimin e Krishtlindjeve: “Kemi jetuar kohëra të jashtëzakonshme këto dy vite. Për të gjithë ka qenë e vështirë, por imagjinoni si ndihet një fëmijë 6-vjeçar. Për të, kjo periudhë ka përfaqësuar 1/3 e jetës. Ka ardhur koha t’i kthejmë këto shqetësime në dashamirësi. Le t’i bëjmë Krishtlindjet të paharrueshme për të gjithë. Krishtlindjet kanë të bëjnë me një zemër të mbushur me shpresë”.
Videoja siguroi menjëherë mijëra shikime, me qytetarë nga e gjithë bota që shprehën mirënjohje për mesazhin.
Fluturimi spektakolar i Santës nga Finlanda mbështetet nga Adiminstrata e Aviacionit Civil, ajo e trafikut dhe Agjencia Meteorologjike Finlandeze, ndërsa fëmijët mund ta ndjekin trajektoren e udhëtimit edhe “online”.