Duhet të ishte dita më e bukur e jetës së tyre, por një test antiCovid prishi gjithçka.
Mëngjesin e dasmës së tyre, nusja iu nënshtrua testimit dhe pasi rezultoi pozitive me Sars Cov-2 u dërgua në një qendër karantinimi me zemër të thyer dhe lot në sy. Por kjo gjë nuk e ndaloi babanë e saj dhe dhëndrin të bënin surprizën më të bukur.
Menjëherë ata morën masa dhe çifti i ri bëri betimet e shenjta të dashurisë së përjetshme në një ceremoni ku u shfaqën jo me veshjet e zakonshme për një ngjarje të tillë, por me pajisje për mbrojtjen personale që vishen zakonisht në spitale.
Ceremonia u zhvillua në masa shumë të forta sigurie dhe kontrolli nga stafi mjekësor dhe autoritetet lokale dhe të ftuarit e vetëm ishin prindërit e nuses dhe prifti, të cilët gjithashtu kishin veshur të njëjtën uniformë.