A ju ka qëlluar ndonjëherë që ta vendosni zilen e orës klasike në alarm? Një mekanizëm që duket disi i anashkaluar në botën e sotme të sinkronizuar teknologjikisht, kur telefoni juaj celular bën gjithçka, ai ju tregon kohën, ju zgjon nga gjumi e shumë e shumë funksione të tjera, duke na e bërë jetën sa të lehtë aq edhe më komode në kohët në të cilat jetojmë.

Por, megjithatë teknologjia ka anët e veta të errëta. Çfarë rrëfejnë njerëzit nga eksperiencat e tyre personale?

“Përpara se të merrja një orë analoge në dhomën time të gjumit, shpenzoja mesatarisht dy orë e 56 minuta kohë para ekranit në javë dhe telefoni im ma thoshte këtë çdo të hënë, disa çaste pasi do të binte alarmi. Dhe, çdo mëngjes, ndërsa përpiqesha vetëm të shtypja “snooze”, do të përballesha me një stuhi njoftimesh që grumbulloheshin pas njëri-tjetrit si një lojë “solitaire” në ekran. Telefoni im do të më thoshte se miqtë e mi po ndiheshin të përfolur mbrëmë me 34 mesazhe plus në Whatsapp; do të kishte alarme në Instagram dhe dhjetëra e-mail nga shumë llogari. Njoftimet do të më mbushnin me një frikë dhe stres për ditën e ardhshme para se të pija kafenë e mëngjesit. Nuk e kuptova në atë kohë, por ora ime e vjetër analoge, një model kompakt udhëtimi, ishte një luks i ulët. Dizajni i tij do të ishte zbehur në krahasim me iPhone-t e fundit, por ai e bëri punën e tij shumë mirë; zhurma e saj e mprehtë ishte efektive për të më zgjuar çdo mëngjes. Dhe nuk më ngarkonte mendjen që në mëngjes me mesazhe, e-maile apo njoftime të tjera nga miqtë, ende pa filluar dita.”