Një studim nga Këshillit i Lartë për Kërkime Shkencore (CSIC) në Spanjë, ka treguar se cilët janë vajrat më të shëndetshëm për konsum.
Për ta përpunuar listën, studiuesit kanë marrë parasysh përbërjen e ndryshme lipidike në këto produkte. Në total, ata kanë vlerësuar rreth 32 vajra ushqimorë. Ai që ka marrë vlerësimin më të mirë është vaji i ullirit i virgjër, i quajtur edhe “ari i lëngshëm”.
Menjëherë pas tij, në vendin e dytë, vjen vaji i lirit.
Çfarë e bën vajin e lirit kaq të mirë?
Vaji i lirit vjen nga farat e lirit, të cilat janë një burim i pasur i një prej acideve të tipit omega 3, që ndihmon në uljen e sheqerit në gjak dhe kolesterolit në trup. Shërben edhe për trajtimin e disa sëmundjeve të tretjes, madje edhe inflamatore.
Futja e këtij lloj vaji në dietë mund të bëhet në mënyra të ndryshme. Ai mund të përdoret në sallata, kur gatuani bukë apo edhe biskota.
Shija e tij është e ngjashme me atë të arrave; megjithatë, me kalimin e kohës bëhet më i hidhur, pasi ka tendencë të oksidohet.