Nga Enver Robelli
Mbi 60 mijë fëmijë nga Shqipëria kanë kërkuar azil në një vend të Bashkimit Europian gjatë 10 viteve të shkuara (2011-2020).
Këta janë gati 10 për qind e fëmijëve të Shqipërisë.
Të dhënat i ka bërë publike EUROSTAT-i, agjencia e BE-së e statistikave. Eurostat konstatoi se në vitin 2020 kishte 2’125 kërkesa për azil nga fëmijët shqiptarë në vendet e BE-së dhe Zvicër. 83 për qind e tyre ishin nën moshën 14-vjeçare.
Në një vend me opozitë të vërtetë, me media që mbrojnë interesin publik dhe me një opinion kritik dhe të pakorruptuar, ikja e 60 mijë fëmijëve do të ishte bërë temë e madhe dhe qeveria do të duhej të jepte përgjigje se si ka qenë e mundur të ndodhë kjo.
60 mijë patate me qenë, janë shumë, e lërë më fëmijë!
Ka tema të tjera, të cilat shërbejnë si fasadë për “zbukurim” të realitetit.