Deputetët e parlamentit në Bosnjë Hercegovinë, me shumicë votash i hapën rrugën krijimit të një këshilli të ndarë gjyqësor dhe prokurorial. Projektligji konsiderohet antikushtetues sepse transferon kompetencat nga niveli shtetëror i Bosnje-Hercegovinës në nivel të entitetit të Republikës Sërpska.
Një vendim të tillë, për kalimin e kompetencave nga niveli i shtetit te një nivel më i ulët i qeverisjes, mund ta marrë vetëm parlamenti por është në kundërshtim me marrëveshjen e Dejtonit e cila i ka dhënë fund luftës në Bosnje, në vitet 1990.
Sipas marrëveshjes, Republika Sërpska së bashku me Federatën Myslimane-Kroate janë dy entitetet që përbëjnë Bosnje Hercegovinën.
Bashkimi Evropian u ka bërë thirrje liderëve në Sarajevë që të sigurojnë rifillimin e një dialogu serioz brenda institucioneve, në mënyrë që të adresohen shqetësimet që kanë. Blloku Evropian ka dënuar veprimet e Kuvendit duke argumentuar se përbëjnë shkelje të papranueshme të rendit kushtetues dhe atij ligjor të Bosnje-Hercegovinës”.
“Nëse ky ligj miratohet, ai do të ketë pasoja të rënda për të drejtat e qytetarëve të Republika Sërpska, do të thellojë pasigurinë ligjore dhe jostabilitetin në sistemin ligjor të vendit, dhe do të dëmtojë seriozisht perspektivën evropiane të Bosnje-Hercegovinës”, thuhet në komunikatën e lëshuar nga Bashkimi Evropian.
Unioni ka paralajmëruar edhe masa kundër atyre të cilët rrezikojnë unitetin e vendit dhe funksionimin e institucioneve.