Menjëherë pas bisedimeve maratone mes kryeministrit të Kosovës Albin Kurti dhe presidentit serb Aleksandër Vuçiç në Ohër të Maqedonisë s Veriut, Bashkimi Evropian ka publikuar aneksin e marrëveshjes për të cilën të dyja palët u pajtuan.
Në dokument thuhet se mosrespektimi i detyrimeve do të ketë pasoja të drejtpërdrejta.
ANEKSI I MARRËVESHJES
Advertisement“Kosova dhe Serbia pranojnë se mosrespektimi i obligimeve të tyre nga Marrëveshja, Aneksi ose Marrëveshjet e Dialogut të kaluar, mund të ketë pasoja të drejtpërdrejta negative për proceset e tyre përkatëse të anëtarësimit në BE dhe për ndihmën financiare që marrin nga BE-ja.”
Zyrtarët e bashkimit evropian kanë sqaruar se asnjë nga palët nuk do të përfitojë nga paketa financiare, pa plotësuar të gjitha pikat e dakordësuara.
ANEKSI I MARRËVESHJES
“Për të zbatuar Nenin 9, BE-ja do të organizojë një konferencë donatorësh brenda 150 ditësh, për të krijuar një paketë investimesh dhe ndihme financiare për Kosovën dhe Serbinë. Asnjë shpërndarje nuk do të ndodhë përpara se BE-ja të përcaktojë se të gjitha dispozitat e Marrëveshjes janë zbatuar plotësisht.”
Vëmendje të veçantë i jepet nenit 7, krijimit të asociacionit.
ANEKSI I MARRËVESHJES
“Për të zbatuar Nenin 7, Kosova nis menjëherë negociatat në kuadër të dialogut të ndërmjetësuar nga BE-ja, për përcaktimin e angazhimeve dhe garancive specifike, që sigurojnë një nivel të duhur të vetëmenaxhimit për komunitetin serb në Kosovë, në përputhje me marrëveshjet e mëparshme përkatëse të dialogut, siç përcaktohet nga ndërmjetësuesi i BE-së.”
Advertisement
Çështja e të pagjeturve nga konflikti i ’99 po ashtu është cilësuar si një ndër çështjet kryesore që duhet të trajtohet me urgjencë.
ANEKSI I MARRËVESHJES
AdvertisementPalët pajtohen për të miratuar Deklaratën për Personat e Zhdukur, siç është negociuar në kuadër të dialogut të ndërmjetësuar nga BE-ja, si çështje urgjente.
Bashkimi europian dhe shtetet e bashkuara do të monitorojnë hap pas hapi zbatimin e aneksit të marrëveshjes për normalizimin e marrëdhenieve.
