Një 16-vjeçar vrau aksidentalisht xhaxhanë e tij në Greqi, teksa kishin shkuar për gjah.
Pas krimit, ai qëlloi me armë zjarri edhe veten e tij. Ai iu nënshtrua një operacioni në spitalin e Artës, dhe mësohet se gjëndja shëndetësore e tij paraqitet e rëndë.
Pjesëtarët e tjerë të gjuetisë, mes tyre babai dhe vëllai i 16-vjeçarit, kanë njoftuar menjëherë policinë dhe ambulancën. Tragjedia e rëndë është regjistruar pak pas orës pesë e gjysmë të pasdites së të dielës në digën e vogël të Artës.
Mediat greke shkruajnë se adoleshenti e ngatërroi xhaxhanë me një derr të egër.
Pasi dëgjuan të shtënat, babai i 16-vjeçarit vrapoi për të parë se çfarë po ndodhte.
Kur babai iu afrua të miturit duke e pyetur se çfarë kishte ndodhur, ai shkrepi armën drejt vetes.