Mikja e Caroline, 20-vjeçarja që u mbyt nga bashkëshorti i saj në Greqi, ka zbardhur disa detaje nga marrëdhënia e çiftit. Ajo shprehet se viktima i kishte thënë që ishte shumë e dashuruar me Babis.
E tronditur nga ngjarja, ajo deklaroi se mikja e saj ishte në një lidhje me Babis që në moshën 16 vjeçe.
“Jam e tronditur nga ky krim. Caroline ka qenë me Babis që kur ishte 16 vjeç. Ajo gjithmonë më thoshte sa ishte e dashuruar dhe se Babis ishte njeriu i jetës së saj. Ajo që uroj është që shpirti i saj të pushojë. Unë jam shumë e trishtuar. Në Greqi kemi ligje, ai do të qëndrojë në burg.”
32-vjeçari u vizitua dy ditë më parë në qeli nga vëllai i tij. Në takimin që zhvilloi me të, mësohet se piloti i kërkoi librin “Origjina e gjithçkaje”, një libër për civilizimin njerëzor nga Big Bang deri në ditët e sotme.