Kancelari gjerman Olaf Scholz do të pres në takime kryeministrin e Kosovës, Albin Kurti dhe presidentin e Serbisë, Alleksandar Vuçiç, më 4 maj, ka njoftuar Zyra e Shtypit dhe Informacionit e Qeverisë Federale gjermane.
Kjo zyrë ka paralajmëruar se kancelari Olaf Scholz, “do të mirëpres kryeministrin e Republikës së Kosovës, Albin Kurti, në Kancelarinë Federale”, në orën 15:00 të datës 4 maj.
“Fokusi i diskutimit të përbashkët do të jetë koordinimi i mëtejshëm mbi luftën dhe agresioni rus kundër Ukrainës, si dhe për çështjet dypalëshe dhe rajonale”, thuhet në njoftimin e kësaj zyreje.
Në një takim tjetër të ndarë kancelari gjerman Scholz do ta pres edhe presidentin serb,Alleksandar Vuçiç. Kryeministri i Kosovës, Albin Kurti dhe presidenti i Serbisë, Aleksandar Vuçiç u takuan për herë të parë më 15 qershor të vitit 2021 në Bruksel, në kuadër të dialogut Kosovë-Serbi.
Takimi i dytë ndërmjet Kurtit dhe Vuçiqit ndodhi më 7 korrik 2021 dhe që atëherë nuk ka pasur takime të reja në nivel të lartë./R.E.L