Ministrat e Bashkimit Evropian, diskutuan këtë të martë në takimin e Këshillit të Çështjeve të Përgjithshme, për paketën e zgjerimit të bllokut evropian.
Sipas konkluzioneve të miratuara, sa i takon Kosovës do të kërkohet më shumë punë në fushën e sundimit të ligjit, luftës kundër korrupsionit dhe krimit të organizuar, por pjesa më e madhe e përmbajtjes i kushtohet situatës së sigurisë në veri dhe raporteve me Serbinë.
BE pritet të kërkojë nga Kosova dhe Serbia zbatimin e marrëveshjes për normalizimin e marrëdhënieve mes tyre.
Ashtu sic presidenti Aleksandër Vuçiç e ka thënë disa herë, marëveshja e Ohrit pritet të futet në negociatat e Serbisë për anëtarësim në bllok. E njëtja gjë do të ndodhë edhe me Kosovën për hapat e saj drejt integrimeve.
“Këshilli pret që Kosova dhe Serbia të gjejnë një zgjidhje të qëndrueshme për situatën në veri të Kosovës, që garanton siguri dhe demokraci pjesëmarrëse për të gjithë qytetarët.”
Sa u përket masave, të cilat BE-ja i ka vendosur ndaj Kosovës në konkluzione bëget e ditur se ato mund të hiqen në rast se ka përparim ndaj kërkesave të unionit.
“Këshilli mirëpret ndërmarrjen e hapave drejt zbatimit të disa kërkesave të BE-së. Këshilli rikujton se BE-ja mbetet e gatshme që të heqë masat, në rast të progresit të mëtejmë në përmbushjen e kërkesave ekzistuese.”
Këshilli përmes konkluzioneve, përsërit se nuk ka justifikim për dhunën dhe dënon sulmet ndaj Policisë së Kosovës në Banjskë, më 24 shtator.
Një kërkesë tjetër ndaj Kosovës është formimi i bashkësisë së komunave me shumicë serbe./vizionplus.tv