I dërguari special i shteteve të bashkuara të Amerikës për Ballkanin perëndimor, Methju Palmer ka deklaruar ne Beograd, se është e mundur që Kosova dhe Serbia të arrijnë marrëveshje gjatë këtij viti.
Zyrtari i lartë amerikan nënvizoi se Kosova nuk është e gatshme që të negociojë për çështjen e ndryshimit të kufijve dhe territoreve. Por sipas tij, dy vendet kanë çështje te tjera në të cilat mund të angazhohen, siç është ajo e personave të zhdukur.
Palmer po ashtu tha se palët duhet të respektojnë marrëveshjet e arritura në Bruksel, përfshirë Asociacionin.
Një ditë më parë, Palmer, së bashku me përfaqësuesin special të be-së për dialogun, Miroslav Lajçak, u takuan me presidentin Alexandër Vucic, kryeministren Ana Bërnabic si dhe me ministrin e punëve të jashtme. Në fokus mbeten përgatitjet për rinisjen e dialogut të nivelit të lartë, në Bruksel.