Një efektiv policie në pikën e kalimit kufitar në Jarinjë të Kosovës është sulmuar fizikisht. Në njoftimin zyrtar të autoriteteve të shtetit të Kosovës bëhet me dije se personi që ka ushtruar efektivin nuk është identifikuar ende.

Mësohet se polici e ka ndaluar agresorin për procedurë, por ky i fundit e ka dhunuar dhe është larguar.

“PKK. Jarinje 21.03.2023-17:50. I dyshuari mashkull kosovar është ndaluar nga Policia për procedura policore, dhe i njëjti duke sulmuar fizikisht njërin nga zyrtarët policor është larguar në drejtim të panjohur të kufirit. Rasti është duke u hetuar, përderisa zyrtari ka pranuar tretman mjekësor”, thuhet në njoftimin e policisë.

Autoritetet po punojnë për identifikimin dhe kapjen e autorit.