Kriza politike në Bullgari/ Petkov: Jo zgjedhje të reja, qeveri teknike deri në shtator

Zgjedhjet e parakohshme në bullgari do të ishin katastrofike për vendin.

Ky është qëndrimi i kryeministrit Kiril Petkov, i cili në një deklaratë për mediat ka theksuar se zgjidhja më e mirë mbetet qeverisja e pakicës.

KIRIL PETKOV

KRYEMINISTER, BULLGARI

“Ne vazhdojmë të flasim me shumë njerëz, ideja është që të gjithë të kuptojnë përgjegjësinë e madhe që mbajnë. Nëse nuk kemi 22 projektligje deri në fund të vitit, humbim dhe ndalojmë 12 miliardë fonde evropiane, pensionet nuk përditësohen, familjet e reja nuk përfitojnë lehtësim shtesë nga taksat, çmimet e karburanteve do të vazhdojnë të rriten. Nëse në këtë moment hyjmë në një seri zgjedhjesh, do të ishte vërtet katastrofike.”

Partia “ Bullgaria Demokratike” , e cila po ashtu është pjesë e koalicionit, ka mbështetur propozimin e kryeministrit për të krijuar një qeverisje të pakicës.

Deputeti Vladislav Panev ka deklaruar se kjo do të ishte zgjidhja më e mirë për të paktën deri në shtator,pasi nuk duhet të rrezikohet miratimi i buxhetit. Por sipas tij, GERB-i nuk është opsion i pranueshëm për koalicion.

VLADISLAV PANEV

DEPUTET, BULLGARI

 

“Testi i madh për parlamentin nesër do të jetë miratimi i buxhetit.”

Advertisement

google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Partia më e madhe opozitare, GERB ka kërkuar një seancë parlamentare për të votuar mocionin e mosbesimit të qeverisë të udhëhequr nga Kiril Petkov.